Mae Ceredigion ac ardaloedd gwledig canolbarth Cymru yn cynnwys cymunedau lle mae llawer o bobl yn siarad Cymraeg, ac rydym yn ymfalchïo yn y ffaith ein bod yn cyflogi siaradwyr Cymraeg ac yn annog dwyieithrwydd ym mhob peth a wnawn.

Os ydych yn siarad Cymraeg, mae hynny’n grêt! Os nad ydych yn siarad Cymraeg, peidiwch â phoeni oherwydd gallwn eich helpu. Mae gwersi Cymraeg a mentoriaid ar gael i’r aelodau o staff sydd am ddysgu Cymraeg neu loywi eu hiaith.

Rydym bob amser yn chwilio am staff newydd. Os ydych yn ymfalchïo yn yr hyn yr ydych yn ei wneud, yn aelod da o dîm ac yn dda am gyfathrebu, mae angen i ni gael sgwrs.

Mae hyfforddiant, datblygiad a gwelliant parhaus yn elfen ganolog o weithio i Barcud. Caiff cyfleoedd o ran datblygiad personol a phroffesiynol eu cynnig er mwyn sicrhau bod ein staff yn cael eu hyfforddi a’u haddysgu i gynnig gwasanaeth o’r safon uchaf posibl i gwsmeriaid, sydd yn ei dro o fudd i’n tenantiaid a’n partneriaid.

Rydym yn annog ein gweithwyr i ennill cymwysterau proffesiynol priodol sy’n berthnasol i’w hadran ac i’w datblygiad personol. Mae hyfforddiant ar gael hefyd i’r sawl sy’n fodlon yn eu rôl bresennol, er mwyn sicrhau bod sgiliau a galluoedd yn cael eu diweddaru a bod profiad ein cwsmeriaid yn cael ei wella’n barhaus.

Rydym am sicrhau bod Barcud yn cael ei gydnabod ledled canolbarth Cymru fel lle gwych i weithio. Mae’n bwysig bod ein staff i gyd yn gallu sicrhau cydbwysedd da rhwng bywyd a gwaith a’u bod yn teimlo bod eu hymdrechion i ddarparu gwasanaethau o’r safon uchaf yn cael eu gwerthfawrogi.

Fel arwydd o ddiolch, rydym wedi datblygu pecyn o fuddion sy’n ein galluogi i ddenu’r staff gorau, eu cymell a’u cadw.

Rydym yn cynnig cyflogau cystadleuol a phecyn gwych o fuddion sy’n cynnwys gwyliau blynyddol hael, trefniadau gweithio hyblyg a chynllun pensiwn grŵp gyda chyfraniad gan y cyflogwr.

Fel gweithiwr, gallwn gynnig y canlynol i chi:

• 23 diwrnod o wyliau’r flwyddyn (sy’n cynyddu o 1 diwrnod pob blwyddyn hyd at 30 diwrnod) + gwyliau banc a gwyliau Nadolig
• Cyflog cystadleuol
• Prentisiaethau
• Trefniadau gweithio hyblyg
• Cynllun pensiwn
• Tâl mamolaeth a thadolaeth uwch
• Cerbyd staff / costau teithio
• Cymorth o ran hyfforddiant a datblygiad
• Talu am brawf llygaid
• Amser i ffwrdd o’r gwaith i fynd i apwyntiadau meddygol
• Pecyn adleoli (ar gyfer rhai swyddi)
• Iechyd galwedigaethol
• Absenoldeb salwch gyda thâl
• Absenoldeb tosturiol
• Gwisg ac offer diogelwch
• Potensial i ddatblygu eich gyrfa
• Talebau gofal plant
• Iechyd a lles galwedigaethol
• Cymorth i wneud gwaith elusennol
• Cymorth o ran iechyd a diogelwch
• Parti Nadolig y mae’r gymdeithas dai yn talu amdano
• Cynhadledd staff (gyda chinio!)
• Amser i ffwrdd i gyflawni gwasanaeth cyhoeddus
• Tâl am ddyletswyddau ychwanegol – swyddog Cymorth Cyntaf penodedig
• Mynediad yn rhad ac am ddim i wasanaeth cwnsela
• Te a choffi am ddim
• Ystod lawn o bolisïau ysgrifenedig
• Talu am aelodaeth o gyrff proffesiynol
• Cynllun beicio i’r gwaith – cymorth i brynu beic

 Mae hyfforddiant, datblygiad a gwelliant personol parhaus i gyd yn bwysig pan fyddwch yn dod i weithio i Barcud.

Caiff cyfleoedd o ran datblygiad personol a phroffesiynol eu cynnig er mwyn sicrhau bod ein cwsmeriaid yn cael gwasanaeth gwych a bod ein gweithwyr yn elwa hefyd. Rydym yn annog gweithwyr i ennill cymwysterau proffesiynol sy’n berthnasol i’w hadrannau. Caiff gweithwyr sy’n cael eu clustnodi’n arweinwyr y dyfodol eu hystyried ar gyfer cynlluniau hyfforddi a datblygu wedi’u teilwra.

Mae hyfforddiant ar gael hefyd i’r sawl sy’n fodlon yn eu rôl bresennol, er mwyn sicrhau bod sgiliau a galluoedd yn cael eu diweddaru. Rydym yn defnyddio ymgynghorwyr hyfforddi arbenigol a chyrsiau hyfforddi allanol yn ôl yr angen. Mae Barcud yn gyflogwr cyfle cyfartal.

Mae ein prif swyddfa yn Llanbedr Pont Steffan. Mae gennym swyddfeydd yn y Drenewydd, Aberystwyth ac Aberteifi hefyd. Mae ein cynlluniau llety gwarchod yn Bow Street, Aberystwyth, Llan-non, Aberaeron, Llanbedr Pont Steffan, Llandysul ac Aberteifi.

Mae gan Grŵp Barcud 4 o is-gwmnïau

Mae timau Medra (Cynnal a Chadw) yn gweithio yng Ngheredigion, Gogledd Sir Benfro a Sir Gaerfyrddin

Mae EOM (Cynnal a Chadw) yn gweithio ym Mhowys a’r gororau 

Gofal a Thrwsio Powys 

Y Gymdeithas Gofal

Tai,

Cynnal a Chadw ac Adeiladu,

Cyllid,

Datblygu,

Adnoddau Dynol,

Cyfathrebu.

Rydym yn angerddol ynghylch darparu gwasanaeth ardderchog, ac ar hyn o bryd mae gennym 250 o aelodau o staff sy’n gwneud cyfraniad sylweddol i’n llwyddiant.

Rydym yn cydnabod mai pobl yw ein hased pwysicaf, a dyna pam yr ydym wedi ymrwymo i ddatblygu ein staff a chreu gweithlu hapus a brwdfrydig.

Rydym yn buddsoddi’n drwm mewn hyfforddi a datblygu staff, o fewn cyfuniad o fentrau i reolwyr, unigolion a’r sefydliad cyfan. Gallwch ddarllen mwy am y cyfeiriad yr ydym yn mynd iddo yn ein Cynllun Busnes.

Os ydych yn awyddus i ddefnyddio eich sgiliau, eich gwybodaeth a’ch gallu i wneud gwahaniaeth go iawn, os ydych yn gallu canolbwyntio ar gwsmeriaid ac os ydych yn benderfynol o ddarparu gwasanaethau o safon, edrychwn ymlaen at gael cais gennych.