Cafodd Grŵp Partneriaeth Tenantiaid Barcud ei ffurfio ar ôl i Tai Ceredigion a Tai Canolbarth Cymru uno â’i gilydd.

Mae aelodau’r Grŵp yn denantiaid o bob cwr o’r ardal y mae Barcud yn gweithredu ynddi, ac maent fel rheol yn cwrdd ar ddydd Gwener olaf pob mis (ar wahân i fis Awst a mis Rhagfyr). Maent yn trafod unrhyw faterion a phryderon sydd wedi’u codi ac yn rhannu unrhyw wybodaeth y maent wedi’i chael yn dilyn eu cyfarfodydd misol â Thîm Gweithredol Barcud neu aelodau o Dîm Rheoli Gweithredol Barcud.

Mae’r aelodau yn ymwneud â monitro gwasanaethau ar draws Barcud, ac isod fe welwch chi rai o’r ffyrdd y maent yn gwneud hynny:

• Cynnal arolygon dros y ffôn
• Archwilio ystadau
• Archwilio eiddo gwag cyn iddo gael ei ailosod, er mwyn gwneud yn siŵr ei fod yn cydymffurfio â “Safon Ailosod” Barcud, a ddatblygwyd gan y Grŵp
• Adolygu polisïau a Safonau Gwasanaeth Barcud.

Mae’r Grŵp hefyd:

• Yn mynychu cyfarfodydd Bwrdd Rheoli Barcud er mwyn sicrhau bod barn y tenantiaid yn cael ei chlywed ar y lefel uchaf
• Yn cyflwyno barn y Grŵp am amcanion strategol Barcud i’r Bwrdd Rheoli, ac mae’r aelodau yn mynychu cyfarfodydd cynllunio busnes Barcud
• Yn darparu erthyglau’n rheolaidd i’r llythyr newyddion ac yn llunio adroddiad blynyddol
• Yn penderfynu ar bynciau ar gyfer cyfarfodydd Fforwm Cyswllt y Tenantiaid a’r Gynhadledd i Denantiaid
• Yn cael hyfforddiant
• Yn mynychu digwyddiadau TPAS Cymru
• Yn ymateb i ymgyngoriadau Llywodraeth Cymru ac awdurdodau lleol